بعد أنباء عن اعتزاله.. تامر حسني يوجه رسالة للمخرج محمد سامي
وجّه الفنان المصري تامر حسني رسالة دعم للمخرج المصري محمد سامي بعد إعلانه اعتزال الإخراج التلفزيوني، يحثه فيها على العدول عن قراره، مؤكدًا أن سامي المخرج الوحيد في تاريخ مصر الذي لم يفشل نهائياً.
وكتب تامر حسني تعليقًا على قرار محمد سامي: «أوعى تكون عايز تبعد عشان أي إحباط، جايز يكون فعلاً في بعض المشاهد اللي الناس انتقدتها وأنا شخصياً استغربتها شوية وقولت جوايا إنك مش محتاج تعملها أصلاً، بس على رأيك (الفنون جنون)، وأنت المخرج الوحيد في تاريخ مصر اللي مفشلش ولا مرة».
وتابع تامر حسني: «يمكن الحظ لم يحالفك في عمل أو اثنين على مدار 14 سنة، ودي حاجة مينفعش الجمهور ينساهالك، أنت قدمت مسلسل «آدم» اللي جمع كل المصريين، وبعدها «سبق الإصرار»، و«حكاية حياة» اللي كانوا نقلة كبيرة في ديكورات الدراما المصرية، وبعدين «الأسطورة»، و«البرنس»، و«جعفر العمدة»، اللي حققوا نجاحات ساحقة، وكانوا أعلى نسبة مشاهدات في الدراما بشكل عام، وبعدهم «نعمة الأڤوكاتو»، و«إش إش»، و«سيد الناس».
وأضاف تامر حسني: «هزعل منك لو هتمشي مُحبط، مسلسلاتك بيتقال عليها مسلسلات محمد سامي، وتركيز الناس معاك دليل على حبهم لأعمالك، ورغم إن بعضهم بينتقدوها بس متابعينها حرف حرف، ونقدهم ليك بيبقى على قد حجمك وهي دي ضريبة الناجحين الكبار».
ووجه تامر حسني نصيحته لمحمد سامي: «سافر وكمل حلمك، أنا عارف إن محمد سامي اللي اكتشفته وقدمته للصناعة وهو عنده 27 سنة، لا يمكن هيتهز، ممكن يزعل يومين ويراجع نفسه في مشاهد أنا مبسوط أنك بمنتهى الشجاعة الأدبية أعتذرت على تقديمها».
صحيفة عكاظ اليوم ، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة السعودية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار العالمية و المحلية، الاقتصاد، تكنولوجيا ، فن، أخبار الرياضة، منوعات و سياحة.
