الاخبار

8 وصفات سهلة لعلاج مشكلة جفاف الشفايف

تشقق وجفاف الشفايف بيرتبط بشكل اساسي بدرجات حرارة الشتا المنخفضة والبرودة ، ولكن المشكلة دي ممكن تظهر كمان لاسباب تانية غير الجو ، على سبيل المثال ، ممكن الجو شديد الجفاف يكون ليه تأثير سيء على شفايفك ، واحيانا بتظهر المشكلة من غير سبب معروف، وايا كان سبب تشقق وجفاف شايفك ، النهاردة من خلال المقال بتاعنا هنقولك على 8 وصفات لعلاج جفاف الشفايف.

وصفات لعلاج جفاف الشفايف:

1- الصبار او العسل:

الصبار ليه فوايد كتير للبشرة ، ومن فوايده كمان انه بيساعد في علاج الشفايف الجافة المتشققة ، تقدري تستخدمي الجل الجاهز والافضل انك تستخدمي الجل الطبيعي من النبتة نفسها ، افتحي الورقة وطلعي منها الجل ، وادهنيه على شفايفك ، الصبار بيحتوي على خصائص تقشير معتدلة وده هيساعد على تقشير الجلد الميت من على الشفايف ، بالاضافة انه يعتبر مرطب طبيعي.

العسل ، اثبتت دراسات كتير مدى فعاليته في التئام الجروح ، وممكن يساعد في ترطيب شفايفك وتقشيرها ، وازالة الجلد الميت ، استخدمي العسل العضوي الطبيعي لانه افضل اختيار ، وابعدي عن انواع العسل اللي فيها سكر.

وصفات لعلاج جفاف الشفايف

2- استخدمي زبدة كاكاو بتحتوي على عامل حماية من الشمس:

بغض النظر ان الجو صيف او شتا ، استخدام زبدة الكاكاو بعامل حماية 30 او اعلى مهم جدا لشفايفك ، حاولي تدوري على زبدة كاكاو بتحتوي على اما اكسيد التيتانيوم او اكسيد الزنك ، حطي من زبدة الكاكاو كل ساعتين لو بره البيت لفترة طويلة ، لان الشمس زي ما بتضر البشرة كمان بتضر الشفايف ، حتى في درجات الحرارة المنخفضة جدا.

3- استخدمي زيت الافوكادو:

زيت الافوكادو يعتبر مرطب رائع للشفايف ، وكمان مثالي للي بشرتهم حساسة وبيعانوا من تشقق الشفايف معظم ايام السنة لانه مش بيسبب اي حساسية ، زيت الافوكادو بيحتوي على الستيرولين اللي بيحمي خلايا الجلد وبيعالج الالتهابات ، وده هيحافظ على شفايفك ناعمة ورطبة جدا.

4- استخدمي الفازلين طول اليوم:

الفازلين من المنتجات المتوفرة وممكن تلاقيها بسهولة وسعره رخيص جدا ، والعلماء اتفقوا انه مفيد جدا للشفايف المتشققة والجافة ، لانه بيحافظ على الرطوبة لفترة اطول من الزيوت ، تقدري تدهني الفازلين على شفايفك اي وقت الصبح وبالليل قبل النوم ، هيساعد على ترطيب شفايفك واعادة اللمعان للشفايف الجافة والباهتة.

5- استخدام شرايح الخيار:

معروف اننا بنستخدم شرايح الخيار للعين لعلاج الهالات السودا ، تقدري تعملي نفس الشيء للشفايف ، خدي شريحتين خيار وافركيهم بالراحة على شفايفك ، وسيبي عصير الخيار عليها لمدة 10 دقايق وبعدها اغسليه ، ممكن كان تهرسي الخيار وتحوليه لعجينة وتحطيها على شفايف زي الماسك.

6- استخدام اكياس الشاي الاخضر:

الشاي الاخضر معروف بخصائصة المضادة للاكسدة والالتهابات ، والشاي الاخضر يمكن مافيش اثبات انه بيعالج تشقق الشفايف ، ولكن هيعمل حاجة مهمة جدا هيساعد على تخفيف الحرقان الناتج عن حرقان الشفايف ، كل اللي هتعمليه حطي كيس شاي اخضر في ماية سخنة ، وسيبيه كام دقيقة ، بعدها حطي كيس الشاي على شفايف لمدة دقايق ، هتحسي بتحسن كبير بعدها.

7- استخدمي خليط تقشير خفيف:

خليط السكر والعسل من الخلطات البسيطة المفيدة جدا للشفايف الجافة والمتشققة ، ولكن لازم تكوني لطيفة جدا في طريقة فرك المقشر على شفايفك ، وضروري بشكل خاص لو شفايفك فيها قشور وجلد جاف.

8- استخدمي مرطب شفايف بيحتوي على شمع العسل:

شمع العسل بيحتوي على خصائص مضادة للبكتيريا اللي بتساعد على التئام الجروح بكل انواعها ، بما فيها تشقق الشفايف ، شمع العسل بيساعد في علاج العدوى وبيحفز الجلد على انتاج خلايا جديدة ، كل اللي هتعمليه بس دوري على مرطب شفايف بيحتوي على شمع العسل ، واستمري في وضعه على شفايفك اكتر من مرة خلال اليوم.

طريقة منع تشقق الشفايف:

تجنب مسك الحاجات المعدنية بأسنانك وفمك ، لو بشرتك حساسة ، هتزود المشكلة.

اتجنبي بل الشفايف بلسانك او عضهم لما تحسي بالجفاف بدل ما ترطبيهم ، لان الحركة دي هتخلي شفايفك جافة اكتر.

– لو بتتفسي من خلال فمك ، حاولي تتوقفي عن العادة دي واتنفسي من خلال الانف.

حافظي على رطوبتك طول السنة ، حتى في الايام اللي مش بتحسي فيها بالجفاف.

– لو الجو جوه البيت جاف ، ممكن تستخدمي جهاز ترطيب لاضافة بعض الرطوبة للهوا اللي حواليكي.

التقشير مش علاج بس ، ولكن كمان طريقة وقائية ، اعمليه كل ما تحسي ان شفايفكك محتاجة تقشير.

10 فوايد مذهلة من استخدام الجلسرين على الشفايف

عرضنا لكم زوارنا الكرام أهم التفاصيل عن خبر 8 وصفات سهلة لعلاج مشكلة جفاف الشفايف على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.

كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.

فاطمة نصر

فاطمة نصر

محررة صحفية خريجة إعلام قسم صحافة, أحرر أخبار وتقارير من السوشيال ميديا والتوك شو أدرك حجم الإشاعات المنتشرة في الإعلام الجديد، لذا فإن عملي أشبه بالمحقق أبحث أدقق أتتبع جميع الروابط لأصل إلى ما أطمئن إلى أنه الحقيقة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى